युनिकोड
विभिन्न जिल्लामा पाँचजना मृत अवस्थामा फेला परेका छन्।
भक्तपुर, झापा, काभ्रे, कञ्चनपुर र मकवानपुरमा पाँचजना मृत अवस्थामा फेला परेका प्रहरीले जनाएको छ।
झापाको कनकाई नगरपालिका-४ कोटीहोममा शिवसताक्षी नगरपालिका-९ संगम चोक बस्ने ५४ वर्षीय खगेन्द्र कुमार सार्की मृत अवस्थामा भेटिएका छन्।
सोमबार मृत फेला परेका उनको मृत्युको कारण खुलेको छैन।
त्यसैगरि काभ्रेको धुलिखेल नगरपालिका-१२ इट्टेस्थित सडकको छेउ नालीमा पनि एक पुरुष मृत भेटिएका छन्।
हाल नाम, थर र वतन नखुलेका अन्दाजी ५५ वर्षीय पुरूष मंगलबार बिहान मृत अवस्थामा फेला परेका प्रहरीले जनाएको छ।
त्यसैगरि भक्तपुरको सूर्यविनायक नगरपालिका-८ सिपाडोल गुन्सा टोलको खुल्ला चौरमा भक्तपुर थिमी बस्ने दोलखा तामाकोशी गाउँपालिका- ५ सहरे घर भएकी ६४ वर्षीया कमला नेपाली पनि मृत भेटिएकी छन्।
कञ्चनपुरको पुनर्वास नगरपालिका-११ रामजानकी टोल बस्ने ४६ वर्षीय फिरू चौधरी स्थानीय खेतमा मतृ फेला परेका छन्।
सोमबार मृत अवस्थामा फेला परेका उनको पनि मृत्युको कारण खुलेको छैन।
त्यसैगरि मकवानपुरको बागमती गाउँपालिका-५ दोभानस्थित बागमती खोला किनारमा पनि एक पुरुष मृत भेटिएका छन्।
काभ्रेको खानीखोला गाउँपालिका-७ बस्ने ४५ वर्षीय मंगल बहादुर रूम्बा बगरमा मृत अवस्थामा भेटिएका प्रहरीले जनाएको छ।
यी सबै घटनाका सम्बन्धमा थप अनुसन्धान जारी रहेको प्रहरीको भनाई छ।
प्रतिक्रिया