युनिकोड
आज (सोमबार) पनि काठमाडौँ उपत्यकामा हल्का वर्षाको सम्भावना रहेको मौसम महाशाखाका मौसमविद्ले बताएका छन्।
मौसमविद्का अनुसार आज दिनभर काठमाडौँ उपत्यकाको आकाशमा आंशिक बादल लाग्ने र साँझपख हल्का वर्षा हुने सम्भावना देखिएको हो।
आंशिक बदलीको अवस्थामा घाम पनि देखिन्छ।
यसैबिच आज बिहान ५:४५ बजे काठमाडौँ उपत्यकाको न्यूनतम तापक्रम १६.५ डिग्री सेल्सियस देखिएको जानकारी मौसम महाशाखाले नेपालखबरलाई दिएको छ।
यद्यपि यो सुरुवाती मापन हो। आजको वास्तविक न्यूनतम तापक्रम अहिले बिहान ८:४५ बजे मापन गरिन्छ। त्यतिबेला काठमाडौँको न्यूनतम तापक्रम अहिले देखिएभन्दा थोरै घट्ने सम्भावना हुन्छ अथवा अहिलेकै कायम रहन पनि सक्छ।
यस्तै अहिले काठमाडौँ उपत्यकाको भिजिबिलिटी ७ हजार मिटर रहेको मौसम महाशाखाले जनाएको छ।
हिजो (आइतबार) काठमाडौँ उपत्यकाको न्यूनतम तापक्रम १४.७ र अधिकतम तापक्रम २६.५ डिग्री सेल्सियस थिए।
मौसम महाशाखाले हरेक दिन काठमाडौँसहित देशका विभिन्न स्थानको न्यूनतम र अधिकतम तापक्रम मापन गर्ने गर्छ।
सबैभन्दा तल झरेको तापक्रम न्यूनतम तापक्रम हो भने सबैभन्दा माथि चढेको तापक्रम अधिकतम तापक्रम हो।
न्यूनतम तापक्रम बिहान ८:४५ बजे र अधिकतम तापक्रम साँझ ५:४५ बजे मापन गरिन्छ।
मौसमविद्का अनुसार न्यूनतम तापक्रमले रातिदेखि बिहानसम्मको अवस्था जनाउँछ भने अधिकतम तापक्रमले दिनभरको अवस्था बताउँछ।
आइतबार यस्तो थियो तापक्रम सूची
आज देशभर कता-कता पानी पर्ला भन्ने विषयमा चाहिँ मौसम महाशाखाले अहिले बिहान ८ बजे अद्यावधिक जानकारी दिनेछ।
प्रतिक्रिया