युनिकोड
काठमाडौँ उपत्यकामा रातिदेखि नै मौसम बदली र ठाउँ ठाउँमा वर्षा भइरहेको छ।
मौसम पूर्वानुमान महाशाखाका मौसमविद् हरिप्रसाद दाहालका अनुसार अहिले (मंगलबार बिहान ७ बजे) पनि काठमाडौँ उपत्यकाका एक/दुई स्थानमा हल्का पानी परिरहेको छ।
'तर केही समयपछि यो रोकिने सम्भावना छ', उनलेे नेपालखबरसँग भने, 'दिउँसोपछि फेरि बादल बढ्दै जाने र अपराह्न वा साँझपख हल्का वर्षा हुने सम्भावना छ।'
मौसमविद् दाहालका अनुसार दिनभर काठमाडौँ उपत्यकाको मौसम घाम-बादल, बादल-घाम हुने सम्भावना छ।
देशभरको मौसम र वर्षा सम्भावनाबारे भने मौसम महाशाखाले अहिले बिहान ८ बजे विस्तृत बुलेटिन जारी गर्नेछ।
प्रतिक्रिया