युनिकोड
विभिन्न स्थानमा तीनजना मृत अवस्थामा फेला परेका छन्।
बागलुङ, सिन्धुपाल्चोक र रौतहटमा तीन जनाको शव फेला परेको प्रहरीले जनाएको छ।
बागलुङ नगरपालिका-१ मालढुङ्गास्थित कालीगण्डकी नदीमा ३० वर्षीय युवक मृत भेटिएका छन्।
पर्वतको जलजला गाउँपालिका-७ धाईरिङ बस्ने ३० वर्षीय हरि प्रसाद आचार्य आइतबार मृत अवस्थामा फेला परेका प्रहरीले जनाएको छ।
त्यसैगरी सिन्धुपाल्चोकको भोटेकोसी गाउँपालिका-२ तामाङगाउँ बस्ने ३१ वर्षीय निमादोर्जे तामाङ पनि मृत भेटिएका छन्।
भोटेकोसी गाउँपालिका-२ लार्चाभीरस्थित बाटो नजिक आइतबार उनी मृत अवस्थामा फेला परेका हुन्।
त्यसैगरी रौतहटको चन्द्रपुर नगरपालिका-६ तल्लो बजारमा पनि एक जनाको शव भेटिएको प्रहरीले जनाएको छ।
स्थानीय तरकारी बजारमा रौतहटकै गुजरा नगरपालिका-८ जुगौलिया बस्ने ५५ वर्षीय चुलाई माझी मृत फेला परेका हुन्। यी सबै घटनाका सम्बन्धमा थप अनुसन्धान जारी रहेको प्रहरीले जनाएको छ।
प्रतिक्रिया