युनिकोड
हाल (बिहीबार साँझ) देशभर आकाशमा साधारणतया बादल लागेको छ। अनि बागमती प्रदेशका केही स्थान, कोसी र लुम्बिनी प्रदेशका थोरै स्थानमा मेघगर्जन/चट्याङसहित मध्यमसम्म वर्षा भइरहेको मौसम पूर्वानुमान महाशाखाले जनाएको छ।
मौसम महाशाखाले आज साँझ ६ बजे जारी गरेको बुलेटिनअनुसार राति देशभर आकाशमा साधारणतया बादल (कतै कतै मात्र खाली) लाग्नेछ।
यस क्रममा हिमाली भूभागका थोरै स्थानमा मेघगर्जन/चट्याङसहित मध्यमसम्म वर्षा/हिमपातको सम्भावना छ।
बागमती, गण्डकी, लुम्बिनी र सुदूरपश्चिम प्रदेशका पहाडी र तराई भूभागका केही स्थान, कर्णाली प्रदेशको पहाडी भूभाग साथै मधेस प्रदेश र कोसी प्रदेशका पहाडी र तराई भूभागका थोरै स्थानमा मेघगर्जन/चट्याङसहित मध्यमसम्म वर्षाको सम्भावना छ।
आज राति गण्डकी, बागमती र सुदूरपश्चिम प्रदेशका पहाडी र तराई भूभागका एक-दुई स्थानमा भारी वर्षाको पनि सम्भावना रहेको मौसम महाशाखाले बुलेटिनमा उल्लेख गरेको छ।
हेर्नुहोस् शनिबारसम्मको वर्षा सम्भावना
प्रतिक्रिया