जोरपाटीमा सिलिन्डर विस्फोट हुँदा एक जनाको मृत्यु

गोकर्णेश्वर नगरपालिका–४ जोरपाटीस्थित, माकलबारीमा शुक्रबार बिहान अक्सिजन सिलिन्डर विष्फोट हुँदा एक जना स्कुटर चालकको मृत्यु भएको छ। जिल्ला प्रहरी परिसर काठमाडौँका प्रवक्ता पवनकुमार भट्टराईका अनुसार गोकर्णेश्वर नगरपालिका–८ माकलबारीका ४१ वर्षीय विष्णु थापाको मृत्यु भएको हो।

विस्फोटबाट उछ्टिएको टुक्राले लागेर स्कुटर चालकको मृत्यु भएको प्रहरीले जनाएको छ।

सिन्धुपाल्चोकको पाँचपोखरी थाङपाल गाउँपालिकास्थित पाँचपोखरी प्राथमिक अस्पतालका लागि अक्सिजन सिलिन्डर र दुई वटा अग्नि नियन्त्रक यन्त्र ‘लोड’ भएको सवारीसाधनको सिलिन्डर विष्फोट भएको हो।