युनिकोड
जनकपुरमा नलकटुवा पेस्तोलसहित एक युवक पक्राउ परेका छन्।
प्रहरीका अनुसार सर्लाहीको हरिपुर्वा नगरपालिका–८ बसतपुर घर भएका २१ वर्षीय सुनीलकुमार अधिकारीलाई पेस्तोलसहित पक्राउ गरिएको हो।
हाल जनकपुरधाम उपमहानगरपालिका-८, बजरंगचोकमा डेरा गरी बस्ने उनले कटुवा पेस्तोल बोकेर हिँडिरहेको भन्ने गोप्य सूचना पाएपछि सादा पोसाकमा खटिएको प्रहरीले उनलाई आइतबार दिउँसो जनकपुरधाम उपमहानगरपालिका ९ स्थित जानकी मावि नजिकबाट पक्राउ गरेको हो।
उनले त्यसरी किन पेस्ताेल बाेकेर हिँडे भन्ने कुरा अहिले खुलिसकेकाे छैन।
अदालतबाट म्याद थप गराई उनीबारे अनुसन्धान भइरहेको धनुषा जिल्ला प्रहरी कार्यालयका प्रहरी नायब उपरीक्षक रामेश्वर कार्कीले नेपालखबरलाई जानकारी दिए।
प्रतिक्रिया