युनिकोड
नेपालमा पछिल्लो २४ घण्टामा थप ७४३ जनामा कोरोना भाइरसको संक्रमण पुष्टि भएको छ।
सोमबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले थप ७४३ जनामा कोरोना संक्रमण पुष्टि भएको बताए।
आज २४६ महिला र ४९७ पुरुष संक्रमित भएका हुन्।
आज १० हजार २३४ गरी ६ लाख १० हजार ४६९ जनाको पीसीआर परीक्षण गरिएको प्रवक्ता गौतमले जानकारी दिए।
१३ हजार ७१५ जना संक्रिय संक्रमित रहेको प्रवक्ता गौतमले जानकारी दिए।
त्यस्तै पछिल्लो २४ घण्टामा थप १७५ जना कोरोना संक्रमित उपचारपछि निको भएर घर फर्केका छन्। योसँगै नेपालमा कोरोनालाई जित्नेको संख्या १८ हजार ८०६ पुगेको छ।
प्रतिक्रिया