कोरोना संक्रमणबाट पोखराकी ३२ वर्षीया महिलाको मृत्यु

पोखराकी ३२ वर्षीया महिलाको कोरोना संक्रमणबाट मृत्यु भएको छ।

कोरोना संक्रमणपछि पोखरा स्वास्थ्य विज्ञान प्रतिष्ठान अन्तर्गत कोभिड–१९ उपचार केन्द्रको आईसीयूमा उपचाररत ती महिलाको बिहीबार बिहान ८ बजे मृत्यु भएको प्रतिष्ठानका निर्देशक डा. अर्जुन आचार्यले जानकारी दिएका छन्।

पोखरा महानगरपालिका–११ निवासी ती महिला कोरोना संक्रमण पुष्टि भएपछि यही भदौ ७ गते अस्पतालमा भर्ना भएकी थिइन्।

योसँगै पोखरा स्वास्थ्य विज्ञान प्रतिष्ठानमा कोरोनाका कारण मृत्यु हुनेको संख्या ५ पुगेको छ।