मध्यराति जंगली हात्तीको आक्रमणबाट मृत्यु

चितवनमा जंगली हात्तीको आक्रमणबाट एक जनाको मृत्यु भएको छ।

मृत्यु हुनेमा माडी नगरपालिका–१ दौपतीकी ६२ वर्षीया कौसीमाया तामाङ रहेकी प्रहरीले जनाएको छ।

जिल्ला प्रहरी कार्यालय चितवनका अनुसार शनिबार राति ९ः४५ बजे घर नजिकै बाटोमा हिँडिरहेको बेलामा हात्तीले आक्रमण गरेको थियो।

आक्रमणबाट तामाङको घटनस्थलमै मृत्यु भएको हो। मृतक तामाङको शव परीक्षणका लागि भरतपुर ल्याइँदैछ।