गण्डकी प्रदेशका अनिश थापा मगरले पोखरामा जारी नवौँ राष्टिय खेलकुद अन्तर्गत पुरुषतर्फको म्याराथनमा स्वर्ण पदक जितेका छन्।
पोखरा रगंशालामा मगंलबार भएको म्याराथनमा पुरुषतर्फ गण्डकी प्रदेशका अनिशले निर्धारित दुरी २ घण्टा २२ मिनेट ५४ सेकेण्डमा पार गरे।
उनले विभागीय टोली त्रिभुवन आर्मी क्लबका कृष्ण बस्नेतलाई पछि पार्दै गण्डकी प्रदेशलाई स्वर्ण पदक दिलाएका हुन्। आर्मीका कृष्णले २ घण्टा २३ मिनेट १४ सेकेण्डमा दुरी पार गर्दै रजत पदक जितेका छन्।
एपीएफका सन्तोष विक्रम विष्टले २ घण्टा ३० मिनेट ५४ सेकेण्डमा दुरी पार गर्दै कास्य पदक जिते।
नेपाल पुलिसका करण बहादुर खड्का चौथो र आर्मीका नरेन्द्र सिंह रावल पाचौँ र आर्मीका खिम बहादुर खत्री छैटौँ स्थानमा रहे। पुरुष म्याराथनमा १८ खेलाडीले स्पर्धा गरेका थिए।
36
Shares
प्रतिक्रिया