युनिकोड
टोकियो पारा ओलम्पिक २०२० मा स्वर्ण पदक जितेका भारतीय पारा ब्याडमिन्टन खेलाडी प्रमोद भगतलाई १८ महिनाका लागि प्रतिबन्ध लगाइएको छ।
उनी विश्व ब्याडमिन्टन महासंघ (बीडब्ल्यूएफ) एन्टी डोपिङ नियम उल्लंघनमा दोषी ठहर भएका हुन्।
बीडब्ल्यूएफले आफ्नो आधिकारिक एक्स ह्यान्डलमा यसबारे पोस्ट गरेको छ।
जसमा लेखिएको छ, ‘टोकियो २०२० मा स्वर्ण पदक विजेता भारतीय प्यारा–ब्याडमिन्टन खेलाडी प्रमोद भगतलाई १८ महिनाका लागि निलम्बन गरिएको छ। उनले १२ महिनाभित्र तीनपटक आफ्नो ठेगानाको जानकारी नदिई बीडब्ल्यूएफ एन्टी डोपिङ नियम उल्लंघन गरेका छन्।’
योसँगै प्रमोद पेरिस २०२४ को प्यारालम्पिक खेलकुदमा सहभागी हुन पाउने छैनन्।
यो प्रतियोगिता फ्रान्सको राजधानी पेरिसमा यही अगस्ट २८ मा सुरु हुँदै छ। यो सेप्टेम्बर ८ सम्म चल्नेछ।
प्रतिक्रिया