युनिकोड
विराटनगर किंग्सको टप अर्डर नचल्दा सिद्धार्थ बैंक नेपाल प्रिमियर लिग (एनपीएल) मा जनकपुर बोल्ट्ससामु जितका लागि १ सय ३६ रनको लक्ष्य प्रस्तुत गरेको छ।
कीर्तिपुरस्थित त्रिवि क्रिकेट मैदानमा जनकपुरले टस जितेर फिल्डिङ रोजेपछि ब्याटिङ गरेको विराटनगरले निर्धारित २० ओभरमा ७ विकेटको क्षतिमा १ सय ३५ रनको लक्ष्य प्रस्तुत गरेको हो।
विराटनगरका लागि शुभम रजानेले बनाएको ३७ रन नै सर्वाधिक रह्यो। २९ बलमा २ चौका र २ छक्का प्रहार गरेका शुभम रन आउट हुन पुगे।
३५ बलमा ३ छक्का सहयोगमा बसिर अहमदले ३६ रन थपे। ओपनर लोकेश बमले २८ रन बनाउँदै पेभेलियन फर्के। माटिन गप्टीलले १३ र जर्ज मुन्सेले १० रन थपे। नारायण जोशी २ रन बनाउँदै आउट भए।
मर्चेन्ट डे लाङ्गे शुन्य रनमा नै रन आउट भए। प्रतिश जि.सी २ र सन्दीप लामिछाने शुन्य रनमा अविजित रहे।
जनकपुरका लागि संगीत कोरे र रुपेश सिंहले समान २ विकेट लिए। आदित्य महतोले एक विकेट आफ्नो नाममा गरे।
जनकपुरले केहीबेरमा जवाफी ब्याटिङ गर्नेछ।
प्रतिक्रिया