युनिकोड
आईसीसी महिला टी–२० विश्वकप ग्लोबल छनोटमा उत्कृष्ट प्रदर्शन गर्ने नेपाली खेलाडीहरुलाई अमरावती बुटिक होटलले नगद पुरस्कार प्रदान गर्ने घोषणा गरेको छ।
महिला क्रिकेटलाई प्रोत्साहन गर्न उत्कृष्ट प्रदर्शन गर्ने खेलाडीलाई पुरस्कृत गर्ने घोषणा गरेको अमरावती बुटिक होटलका प्रबन्धनिर्देशक कुशल श्रेष्ठले जानकारी दिए।
ग्लोबल छनोटमा सर्वाधिक रन बनाउने खेलाडीलाई ५० हजार र सर्वाधिक विकेट लिने खेलाडीलाई ३५ हजार रुपैयाँ दिने श्रेष्ठले बताएका हुन्।
महिला क्रिकेटको विकास र खेलाडीहरूको मेहनत तथा प्रतिभाको कदर गर्न निजी क्षेत्रबाट पनि योगदान आवश्यक रहेको श्रेष्ठले बताए।
उनले भने, ‘महिला खेलाडीहरूले अन्तर्राष्ट्रिय स्तरमा देशको गौरव बढाइरहेका छन्, यस्ता प्रोत्साहनले खेलाडीहरूको आत्मविश्वास बढाउने र अझ उत्कृष्ट प्रदर्शन गर्न प्रेरणा मिल्ने विश्वासट छ।’
आईसीसी महिला टी–२० विश्वकप ग्लोबल छनोट माघ ४ गतेदेखि १८ गतेसम्म घररेलु मैदानमा सुरु हुँदै छ।
प्रतिक्रिया