युनिकोड
नन्दन यादव र तिलक भण्डारीले घातक बलिङ गरेपछि वाग्मती प्रदेशले प्रधानमन्त्री कप पुरुष राष्ट्रिय क्रिकेट प्रतियोगितामा १ सय १२ रनको झिनो लक्ष्य पाएको छ।
कीर्तिपुरस्थित त्रिवि क्रिकेट मैदानमा वाग्मती प्रदेशले टस जितेर फिल्डीङ रोजेपछि ब्याटिङ गरेको पुलिस क्लव २९ दशमलव ३ ओभरमा १ सय ११ रनमा अलआउट भयो।
पुलिस क्लवलाई कम स्कोरमा रोक्न ७ दशमलव ३ ओभर बलिङ गरेका भण्डारीले १ मेडन राख्दै १७ रन खर्चेर ४ विकेट झारे।
यता ९ ओभर बलिङ गरेका यादवले १ मेडन राख्दै ३१ रन खर्चेर ४ विकेट नै झारे। ६ ओभर बलिङ गरेका रामनरेश गिरीले ३० रन खर्चेर २ विकेट आफ्नो नाममा गरे।
यता दिपेन्द्र सिंह ऐरि र आरिफ शेखले जोडेको समान २१ रन नै पुलिसका लागि सर्वाधिक रह्यो। सुनिल धमला र कुशल भुर्तेलले समान १७ रन जोडे। १० बलको सामना गरेका अमित श्रेष्ठले १ छक्का प्रहार गरे।
पुलिसका सात खेलाडीले दोहोरो अंकको स्कोर छुन नसक्दा ४ खेलाडी भने १ रनमा पवेलियन फर्के। सागर ढकाल १ रनमा नै नटआउट रहे। बाग्मतीले केहीबेरमा जवाफी ब्याटिङ गर्नेछ।
प्रतिक्रिया