युनिकोड
इङ्लिस प्रिमियर लिग फुटबल अन्तर्गत शनिबार राति भएको खेलमा साविक विजेता म्यानचेस्टर सिटीले एभर्टनलाई उसैको मैदानमा ३-१ गोल अन्तरले पराजित गरेको छ।
सिटीलाई जित दिलाउन ग्राबियल जिसस, रियाद महरेज र रहिम स्ट्रर्लिङले एक एक गोल गरे। घरेलु टोलीका डोमिनिक लेविनले एक गोल फर्काए ।
गुडिसन पार्कमा खेलको २४ औं मिनेटमा जिससले गोल गर्दै सिटीलाई अग्रता दिलाए। ३३ औं मिनेटमा लेविनले गोल गर्दै घरेलु टोलीलाई १-१ गोलको बराबरीमा ल्याए।
खेलको ७१ औं मिनेटमा महरेजले गोल गर्दै सिटीलाई २-१ को अग्रता दिलाए। त्यसपछि खेलको ८४ औं मिनेटमा स्ट्रर्लिङले गोल गर्दै सिटीलाई ३-१ को जित दिलाए।
जितसँगै सिटीले लिग लिडर लिभरपुलसँगको अंक दुरी घटाएको छ। दोस्रो स्थानको सिटीको ७ खेलबाट १६ अंक रहेको छ। सिटी लिभरपुल भन्दा ५ अंकले पछि छ। लिभरपुलको २१ अंक रहेको छ।
प्रतिक्रिया