युनिकोड
हेटौंडा–१, स्थित सञ्चो अस्पतालका डाक्टरलाई कुटपिट गरिएको घटनामा संलग्न रहेकामध्ये थप एक जनालाई प्रहरीले पक्राउ गरेको छ।
प्रहरीले हेटौंडा–१२, सिग्रेनीका ३६ वर्षीय जिवन लामालाई हेटौंडा–१५, रातोमाटेबाट हिडिरहेको अवस्थामा पक्राउ गरेको हो।
यसअघि हेटौंडा–१२, सिक्रेनीकाकै सुनिल पाख्रिन, रमा प्रधान, रमिला प्रधान, रोहन प्रधान र अनुप प्रधानलाई पक्राउ गरेको थियो।
जिल्ला अदालतले पक्राउ परेकाबाहेक घटनामा संलग्न थप ५ जनाको नाममा आइतबार पक्राउ पुर्जी जारी गरेको थियो।
पक्राउ पुर्जी जारी भएका मध्ये २ जना पक्राउ परे भने अन्य ३ जनाको खोजी कार्य भइरहेको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले बताए।
गत साताको बुधबार हेटौंडा–१ स्थित सञ्चो हस्पिटलमा बिरामीको उपचार गरिरहेका चिकित्सक जनरल फिजिसियन डा. विकास थापा र एनेस्थेसिया डा. प्रशान्त विडारीमाथि सांघातिक आक्रमण भएको थियो।
प्रतिक्रिया