युनिकोड
सिरहाको गोलबजराबाट प्रहरीले अवैध हुन्डी कारोबारमा संलग्न भएको आरोपमा एक युवकलाई पक्राउ गरेको छ।
बिहीबार साँझ गोलबजार नगरपालिका ४ बाट प्रहरीले स्थानीय ३० वर्षीय किशुनलाल साहलाई नियन्त्रणमा लिएको हो।
इलाका प्रहरी कार्यालय (गोलबजार) र प्रहरीको केन्द्रीय अनुसन्धान ब्युरो (सीआईबी) को संयुक्त टोलीले उनलाई पक्राउ गरेको जिल्ला प्रहरी कार्यालय (सिरहा) ले जनाएको छ।
स्थानीयले दिएको सूचनाका आधारमा पुगेको प्रहरी टोलीले साहलाई उनकै घरबाट पक्राउ गरेको जिल्ला प्रहरी कार्यालयका सूचना अधिकारी रवीन्द्रराज पाण्डेले जानकारी दिए।
पक्राउलगत्तै सीआईबी टोलिले थप अनुसन्धानका लागि साहलाई काठमाडौं लगेको छ।
प्रतिक्रिया