युनिकोड
नेपालमा सीएफमोटो मोटरसाइकलको आधिकारिक वितरक ऋषि ट्रेड सेन्टरले ग्राहकहरूको उत्साहजनक प्रतिक्रिया मध्यनजर गर्दै सीएफमोटो २५० डुअल मोडलका लागि नयाँ सुविधा सार्वजनिक गरेको छ।
अब ग्राहकहरूले बुकिङ गरिसकेपछि पनि प्रचलित अफर सुनिश्चित गर्न सक्ने व्यवस्था लागू गरिएको जानकारी गराइएको छ। यो निर्णय बजारमा बढ्दो माग र ग्राहकको विश्वासलाई सम्मान गर्दै लिइएको हो।
धेरै ग्राहकहरूले प्रारम्भिक चरणमै बुकिङ गरे पनि अफर छुट्ने चिन्ता व्यक्त गरिरहेका थिए। उक्त समस्या समाधान गर्न कम्पनीले बुकिङलाई नै अफर सुरक्षित गर्ने माध्यमको रूपमा स्थापित गरेको कम्पनीको दाबी छ।
योजनाका प्रमुख विशेषताहरू तथा अफरहरूमा बुकिङ गरेसँगै सो समयमा लागू अफर सुनिश्चित हुनेछ भने नगद तथा फाइनान्स खरिदमा ८ हजार ३०० रुपैयाँसम्म नगद छुट रहेको छ। त्यसैगरी साटफेरमा १५ हजार रुपैयाँबराबरको मूल्यअभिवृद्धि अफर पनि छ। कम्पनीका अनुसार लक्की ड्रमार्फत एक जना भाग्यशाली ग्राहकलाई १ लाख रुपैयाँ नगदै फिर्ता दिइनेछ।
यसलाई कम्पनीले सीमित स्टकका कारण अफर छुट्ने जोखिम न्यूनीकरण
ग्राहकलाई स्पष्टता र विश्वास प्रदान गर्ने ग्राहकमैत्री नीति रहेको छ। कम्पनीका अनुसार, यस पहलले ग्राहक सन्तुष्टि बढाउने मात्र नभई ब्रान्डप्रति दीर्घकालीन विश्वास निर्माण गर्न सहयोग पुर्याउनेछ।
सीएफमोटो २५० डुअल आफ्नो दमदार परफर्मेन्स, एडभेन्चर-रेडी डिजाइन र आधुनिक फिचरका कारण नेपाली बजारमा तीव्र रूपमा लोकप्रिय बन्दै गएको छ। कम्पनीले आगामी दिनमा पनि यस्तै ग्राहक–केन्द्रित योजनाहरू ल्याउने प्रतिबद्धता जनाएको छ।
प्रतिक्रिया