सर्लाही प्रहरीले भन्सारमा बुझायो १० लाखको अवैध सामान

सर्लाही प्रहरीले विभिन्न समयमा जिल्लाका विभिन्न स्थानबाट बरामद गरेको विभिन्न प्रकारका सामान भन्सार कार्यालय सर्लाहीमा बुझाएको छ। 

भारतबाट अवैध रुपमा भन्सार छली ल्याइएको १० लाख ९ हजार ७२५ रुपैयाँ बराबरका सामान बरामद गरी भन्सार कार्यालयमा बुझाइएको जिल्ला प्रहरी कार्यालय सर्लाहीका डीएसपी दिपक श्रेष्ठले जानकारी दिए। 

अवैध ढंगले भित्र्याइएको लत्ता कपडा, किराना आइटम, पेय पदार्थ, इलेक्ट्रोनिक्स र कस्मेटिक सामान प्रहरीले बरामद गरेको थियो।