युनिकोड
‘नेपाल मानव अधिकार अन्तर्राष्ट्रिय चलचित्र महोत्सव’ नवौं संस्करणअन्तर्गत तीन विधाका तीन चलचित्रले पुरस्कार जितेका छन्।
महोत्सवमा प्रदर्शन गरिएका नेपाललगायत २४ देशका ४२ चलचित्रमध्ये राजेशप्रसाद खत्रीको ‘जुलुङ्गो’, मीरा खड्का र ज्योति बेलबासेको ‘नो स्कुल टुडे’ र एन्जिला चौधरी र पुष्पा जोशीको ‘ललित’ उत्कृष्ट बन्दै जनही ५ सय अमेरिकी डलर पुरस्कार पाउन सफल भएका हुन्।
जुलुङ्गो’ले फिक्सन तर्फबाट उकृष्ट, ‘नो स्कुल टुडे’ले उत्कृष्ट वृत्तचित्र र महिला फिल्मेकरतर्फ उत्कृष्ट चलचित्रका रूपमा ‘ललिता’लाई पुरस्कार दिइएको हो।
महोत्सवमा आशा मगराती, मनोजबाबु पन्त र लिना रञ्जितले निर्णायकको भूमिका निर्वाह गरेका थिए।
मानव अधिकार चलचित्र केन्द्रकाे आयोजनामा ४ दिनसम्म भर्चुअल रूपमा सञ्चालित महाेत्सव बिहीबार सम्पन्न भएको हाे।
महोत्सवको पहिलो दिन गत सोमबार बिहान ७ बजेदेखि छनोट भएका चलचित्र ‘मुभी डटकम’ वेबसाइटमा प्रदर्शन भएका थिए। महोत्सवमा लघु चलचित्र, वृत्तचित्र, फिचरलगायत सबै विधाका चलचित्र प्रर्दशन गरिएका थिए।
महोत्सवको सहआयोजक राष्ट्रिय मानव अधिकार आयोग र नेपालका लागि क्यानाडाको राजदूतावास हुन्।
यस्तै महोत्सवका लागि युरोपियन युनियन, आईओएम, आईसीजे, प्लान इन्टरनेसनल, मोबाइल आर्ट फर पिसले सहयोग गरेका थिए। चलचित्र विकास बोर्ड र मानव अधिकार चलचित्र सञ्जालले महोत्सवलाई प्रवद्र्धन गरेका थिए।
प्रतिक्रिया