युनिकोड
बलिउड अभिनेता सलमान खान र अभिनेत्री कट्रिना कैफ यतिबेला दिल्लीमा फिल्म ‘टाइगर ३’ को सुटिङमा व्यस्त छन्।
हालै यस फिल्मको सेटबाट सलमान र कट्रिनाका केही तस्बिर लिक भएका छन्, जसमा दुवैलाई चोट लागेको देखिन्छ। ती तस्बिर सामाजिक सञ्जालमा तीव्र रूपमा भाइरल भइरहेका छन्।
— SRK Universe (@Srkians_77) February 17, 2022On set pic of #Tiger3
Salman Khan Look 🔥
Biggest war Film loading...#SalmanKhan
pic.twitter.com/BYsyJrjxr7
फिल्मको सेटबाट खिचिएका तस्बिर भाइरल
विदेशमा सुटिङ गरेपछि सलमान र कट्रिना अहिले दिल्लीमा फिल्मको अन्तिम भागको सुटिङ गरिरहेका छन्।
जहाँका सेटबाट केही तस्बिर भाइरल भइरहेका छन्, जसमा दुवै एक्सन अवतारमा देखिएका छन्। सोही क्रममा दुवै जनालाई नराम्ररी चोट लागेको छ र रगत पनि बगिरहेको छ। तस्बिरमा कट्रिनाले कम्बेट भेस्ट र जिन्स लगाएकी छन्। सलमान टी–सर्ट र ट्राउजरमा देखिएका छन्।
#SalmanKhan Waving To Fans On The Sets Of #Tiger3 @BeingSalmanKhan pic.twitter.com/fJ4b0OOus9
— राधे (@iBadasSalmaniac) February 17, 2022
यो फिल्म हेर्नका लागि फ्यानहरु निकै उत्साहित छन्, किनकि यसमा दर्शकले फेरि एकपटक सलमान र कट्रिनाको जोडी देख्न पाउने छन्। तस्बिर हेरेर फ्यानहरूले टाइगरको बाँकी सिरिजजस्तै यस फिल्ममा पनि कट्रिना र सलमानले उत्कृष्ट स्टन्ट गरेको अनुमान गरेका छन्।
सलमान-कट्रिनाको आगामी प्रोजेक्ट
‘टाइगर ३’ मा सलमान–कट्रिनाका अलावा इमरान हाश्मी पनि मुख्य भूमिकामा देखिनेछन्। फिल्ममा इमरान नकारात्मक भूमिकामा देखिनेछन्। सलमान र इमरानले स्क्रिन सेयर गर्ने यो पहिलोपटक हुनेछ।
यस फिल्मका अलावा सलमान ज्याकलिन फर्नान्डिजसँग ‘किक २’ र पूजा हेगडेसँग ‘कभी ईद कभी दिवाली’ मा पनि देखिनेछन्। अर्कोतर्फ, कट्रिना ‘फोन भूत’, अली अब्बास जफरको आगामी सुपरहिरो फिल्म र श्रीराम राघवनको ‘मेरी क्रिसमस’मा देखिनेछिन्।
प्रतिक्रिया