युनिकोड
विवेक अग्निहोत्रीको पछिल्लो फिल्म ‘द काश्मीर फाइल्स’ सिंगापुरमा प्रदर्शन रोक गरिएको छ।
सिंगापुरमा चलचित्रलाई मुस्लिमहरुको एकतर्फी र उत्तेजक चित्रण भएको भन्दै प्रदर्शनमा रोक लगाइएको हो।
समीक्षात्मक र व्यवसायिक रुपमा सफल भएको फिल्म पूर्वाग्रही भएको र विभिन्न समुदायमा मतभेद सिर्जना गर्ने आरोप सहित प्रदर्शनमा रोक लगाइएको हो।
सिंगापुरले इन्फोकम मिडिया विकास प्राधिकरण, संस्कृति, समुदाय तथा युवा मन्त्रालय र गृह मन्त्रालयसँगको सहकार्यमा संयुक्त प्रेस विज्ञप्ति जारी गर्दै फिल्म प्रदर्शनमा रोक लगाएको हो।
सार्वजनिक विज्ञप्तीमा भनिएको छ ‘सिंगापुरमा जातीय र धार्मिक समुदायलाई बदनाम गर्ने कुनै पनि कुरा मान्य छैन।’ ११ मार्चबाट रिलिज भएको यो फिल्मले कश्मीरी पण्डितहरूको ‘कथित राष्ट्रवाद’को कथा उठाएको छ। फिल्मले ३ सय करोड व्यापार गरिसकेको छ।
प्रतिक्रिया