युनिकोड
निर्देशक जौन योञ्जनले चलचित्र ‘आँखा’ बनाउने भएका छन्।
योञ्जनको निर्देशनमा बन्ने यो चलचित्रमा अभिनेत्री निशा अधिकारी शीर्ष भूमिकामा रहनेछिन्।
निर्देशक जौनकै लेखन तथा निर्देशनमा बन्न लागेको यो चलचित्रले सामाजिक कथा बस्तुलाई उठान गर्ने छ।
यसअघि ‘बाह्र सत्ताइस’ नामक चलचित्र बनाएका जौनको निर्देशनमा ‘म राजेश हमाल’ नामक चलचित्र छायांकन सकिएको छ।
जौन आगामी जेठ २० गतेबाट ‘आँखा’को टिमलाई लिएर छायांकनमा निस्कने तयारीमा छन्।
यो चलचित्रमा निशाका साथमा आ.के. मेहत्ता, अस्मिता लामिछाने, वुद्दि तामाङ, बिजय बराल, अभय बराल, पशुपति राई, राजन खतिवडा, रेनुका कार्की, रविन्द्र झा, कृष्णभक्त महर्जन, सरोज खनाल, लुनिभा तुलाधर, सरोज लामिछाने, दीपक कोइराला लगायतका कलाकारले अभिनय गर्नेछन्।
प्रतिक्रिया