युनिकोड
भारतमा हुने ‘कलिङ साहित्य महोत्सव’ (केएलएफ) मा पाँच नेपाली लेखक वक्ताका रूपमा सहभागी हुने भएका छन्। महोत्सवमा नेपाली साहित्यकार तथा लोकसाहित्य विज्ञ तुलसी दिवासा सम्माननीय अतिथि तथा वक्ताका रूपमा सहभागी हुनेछन्। महोत्सवमा प्रख्यात कवि दिनेश अधिकारी, कवि लेखक रञ्जना निरौला, नवोदित लेखक सुमित शर्मा समीर र नाट्यकर्मी राज शाहको वक्ता रहनेछन्।
यस अवसरमा चर्चित कवि, लेखिका रञ्जना निरौला, नवोदित लेखक सुमित शर्मा समीरले प्रतिष्ठित केएलएफ बुक अवार्ड प्राप्त गर्नेछन्।
तुलसी दिवस एक नेपाली साहित्यिक व्यक्तित्व र लोकसंस्कृति विज्ञ हुन्। आधुनिक नेपाली कवितामा उनको ठूलो योगदान छ। प्राध्यापक दिवासाले अमेरिकास्थित नेपाली दूतावासमा सांस्कृतिक सचिवका रूपमा काम गर्नाका साथै विदेशका विभिन्न विश्वविद्यालयमा भिजिटिङ प्रोफेसरका रूपमा अध्यापन गरेका थिए। उनी अहिले नेपाल प्रज्ञा–प्रतिष्ठानका आजीवन सदस्य र नेपाली लोकगीत समाज (एनएफएस) का अध्यक्ष छन्।
महोत्सवको उद्घाटन समारोहमा दक्षिण एसियाका दिग्गज साहित्यकारहरुका साथमा प्रोफेसर दिवासा विशेष अतिथिका रूपमा रहनेछन्। उनले दक्षिण एसियाली लोककथा, लोकगीत र लोक संस्कृतिका विभिन्न सत्रमा पनि भाग लिनेछन्। उनले साहित्यको पछिल्लो प्रचलनमा बोल्ने र बहुभाषिक कविता सत्रमा नेपाली कविता वाचन गर्नेछन्।
प्रख्यात कवि दिनेश अधिकारी नेपालका चर्चित कवि तथा गीतकार हुन्। अधिकारीका कविता र गीतले जनताको पीडा मात्र बोल्दैनन्, समाजलाई राम्रो बाटोमा डोर्याउने प्रयास पनि गर्छन्। कवि तथा गीतकार अधिकारी आफ्नो लेखनमा कालो मानवीय यथार्थलाई लिन सक्षम छन्। अधिकारीले आफ्नो भावना व्यक्त गर्न स्वदेशी वाक्यांश र मेटाफोर्स प्रयोग गर्छन्। दिनेश अधिकारीले बहुप्रतिष्ठित मदन पुरस्कार र सुप्रबल गोरखा दक्षिणाबाहुलगायत २० भन्दा बढी प्रमुख पुरस्कार पाइसकेका छन् । उनी धेरै सत्रमा वक्ताका रूपमा सामेल हुनेछन्।
प्रख्यात साहित्यकार रञ्जना निरौला नेपालकी बहुआयामिक व्यक्तित्व हुन्, जसले आफ्नो दैनिक जीवनमा विभिन्न भूमिका निर्वाह गरिरहेकी छन्। आफ्ना सुन्दर शब्द र भावको समन्वयद्वारा नेपाली साहित्यलाई समृद्ध बनाउन तथा नेपाली र अंग्रेजी साहित्यमा लोकप्रिय कवि निरौला कवि, सम्पादक, प्यानलिस्ट, अनुसन्धानकर्ता, साहित्यिक समीक्षक, क्युरेटरदेखि वक्तासम्म रहेकी छन्।
रञ्जनाको नयाँ अंग्रेजी कविता कृति ‘द रिदम अफ पेन’ औपचारिक रूपमा महोत्सवमा सार्वजनिक गरिनेछ। यसैगरी नवोदित लेखक सुमित शर्मा समीरले आफ्नो पहिलो पुस्तक ‘वेक अप अली, वेक अप नाउ’का लागि प्रिबुक अवार्ड प्राप्त गर्नेछन्।
हरेक वर्ष हुँदै आएको ‘कलिंगा लिटरेरी फेस्टिभल’ फेब्रुअरी २४ देखि २६ सम्म चल्नेछ। आफ्नो नवौं वर्ष मनाउँदै महोत्सवले जीवनका सबै क्षेत्रका लेखक, वक्ता, विचारक र मानवतावादीको आवाजलआई समन्वय गर्नेछ। साहित्यिक कार्यक्रममा १० देश र २५ भन्दा बढी भाषाद्वारा प्रतिनिधित्व गर्ने विविधताको विशिष्ट समायोजन हुनेछ।
प्रतिक्रिया