युनिकोड
पर्यटकीय सहर पोखरामा ‘चलचित्र पर्यटन महोत्सव’ हुने भएको छ।
चलचित्र विकास बोर्डको आयोजनामा हुने महोत्सव फागुन १७ देखि १९ गतेसम्म हुनलागेको हो।
चलचित्र विकास बोर्डका अध्यक्ष दिनेश डीसी र पोखरा महानगरपालिकाका मेयर धनराज आचार्यले यसैविषयमा औपचारिक सम्झौता गरे।
पहिलो पटक ठूलो रूपमा आयोजना हुन गइरहेको यस महोत्सवले चलचित्र छायांकनका लागि प्राकृतिक स्टुडियोका रूपमा परिचित पोखरा र गण्डकी प्रदेशलाई व्यापक रूपमा प्रवर्द्धन गर्ने लक्ष्य राखिएको छ।
पोखरलाई चलचित्र निर्माण र पर्यटनको लागि थप आकर्षक गन्तव्यको रुपमा चिनाउने विश्वास गरिएको छ।
चलचित्र विकास बोर्डको नेतृत्वमा हुने महोत्सवमा पोखरा महानगरपालिका, नेपाल पर्यटन बोर्ड, र नेपाल टेलिकमले प्रवर्द्धकको भूमिकामा छन्।
प्रतिक्रिया