फ्लाइट डिले हुँदा समीक्षाले गरिन् यस्तो गुनासो

गायिका समीक्षा अधिकारीले श्री एयरलायन्सले यात्रुलाई एयरपोर्टमा अलपत्र पारेको भन्दै गुनासो गरेकी छिन्। 

उनले आइतबार बिहान ८ बजेको प्लेन १ बजेसम्म उडान नभएको भन्दै सामाजिक सञ्जालमा आक्रोश पोखेकी हुन्। 

‘मौसम खराबीले उडान प्रभावित हुनु त स्वाभाविकै हो। तर, एयरपोर्ट खुलिसक्दा पनि बिहान ८ बजेको प्लेन अब दिउँसो २ बजे मात्रै उड्छ भन्दै श्री एयरलायन्सले यात्रुलाई एयरपोर्टमै अलपत्र पारेको छ। अन्य एयरलायन्सले धमाधम प्लेन उडाईरहेका छन्,’उनले उल्लेख गरेकी छिन्।
 
केही दिनअघि पनि श्री एयरलायन्सको फ्लाइट डिले हुँदा नेपालगञ्जको कार्यक्रम नै छुटेको उनको गुनासो छ। साथै यस्ता जनतालाई दुस्ख दिने एयरलाइन्सको काम नरहेको भन्दै उनले आक्रोस व्यक्त गरेकी छन्।