युनिकोड
भोलि शुक्रबारदेखि रिलिज हुने फिल्म ‘दुखी आत्मा’को बुकिङ खुला भएको छ। देशभरिकै मल्टिप्लेक्स हलहरुले यस फिल्मलाई सुखद् शो दिएका छन्।
देशकै ठूलो मल्टिप्लेक्स चेन क्यूएफएक्स उपत्यकाका हलमा २४ शोज दिएको छ। यस्तै, बीग मुभिजले ३ शोज, वान सिनेमाज् नयाँ बाँनेश्वर र कालीमाटीको हल गरेर ९ शो, एफक्यूब सिनेमाजमा ५ शोज, आइएनआई नयाँ बाँनेश्वरमा ४ शो दिएको छ।
काठमाडौं बाहिर पनि यो फिल्मलाई सुखद शोज मिलेको छ। जसकाकारण, फिल्मले सुखद ओपनिङ गर्ने अपेक्षा गरिएको छ।
दीपेन्द्र लामाको लेखन तथा निर्देशनमा बनेको फिल्मको टिजर, ब्रेकअप कविता र ट्रेलरले दर्शकको साथ पाइसकेको छ। सामाजिक कथामा नयाँ नयाँ बिषय पस्कन सफल मानिएका दीपेन्द्रको यो फिल्मले यौन समस्याका कारण एक पुरुषले भोग्ने विभिन्न तनावको कथालाई प्रस्तुत गरेको छ।
हिमाल कडरियाको निर्माणमा सुदिप ढकाल कार्यकारी निर्माता रहेको यो फिल्ममा दयाहाङ राई, आँचल शर्मा, अनुप विक्रम शाही, वुद्दि तामाङ लगायतका कलाकारहरुको अभिनय छ।
प्रतिक्रिया