प्रदीपले सुरु गरे फिल्म ‘ऐरी’ को छायांकन

प्रदीप खड्काको मुख्य भूमिका रहेको फिल्म ‘ऐरी’ को छायांकन सुरु भएको छ। आजबाट पश्चिम बागलुङको ढोरपाटन उपत्यकाबाट फिल्मको सुटिङ सुरु गरिएको हो।
 
निर्माणटिमका अनुसार फिल्मको पहिलो चरणको छायांकन ४५ दिनको रहेको छ। फिल्मको सेटमा अभिनेता खड्कासँगै बलिउड अभिनेत्री चुमले काम गरिरहेका छन्। 

केही दिनपछि भने छायांकन सेटमा अभिनेता धिरज मगर र २० दिनपछि भुटानी कलाकार साँगे सेल्ट्रिम जोडिने टिमले जनाएको छ। ढोरपाटनको सुटिङ सकिएसँगै काठमाडौं र भारतमा फिल्म खिँचिनेछ। 

जीवन थापाको निर्देशन रहेको यो फिल्मको १ वर्ष लाग्नेछ। यो फिल्म नेपालीसहित हिन्दी भाषामा समेत रिलिज हुनेछ।