युनिकोड
नयाँ म्युजिकल फिल्म ‘बतास जस्तै’ सार्वजनिक गरिएको छ। सार्वजनिक गीतमा गायिका सुनीता थेगिमको स्वर सुन्न सकिन्छ। त्यसैगरि, गीतमा मविन्द्र राईका शब्द तथा संगीत रहेको छ।
अनिल के मानन्धरको छायांकन र निर्देशन रहेको गीतको भिडिओमा जुना गुरूङ, मिसन सिबिरिगो र बाल कलाकार नियती गुरूङको अभिनय रहेको छ। भिडिओमा अवधारणा र संवाद सिबिरिगोकै रहेको छ।
नेपालको कला, संस्कृति र पर्यटन प्रवर्द्धनलाई उजागर गर्ने लक्ष्य लिएर मिसन सिबिरिगोले कास्कीको रमणीय पर्यटकीय क्षेत्र कोरिमा छायांकन गरीएको हो।
भिडिओमा सिक्लेस गाउँ र कोरिका रमणीय दृश्यहरू समेटिएका छन्। यस भिडिओमा अहिलेको पुस्ताले आफ्ना घर–परिवार र माटो छोडेर परदेशिनु परिरहेको पीडादायी यथार्थलाई समेटिएको छ।
मिसन सिबिरिगो एक भिडिओग्राफर हुन्। नेपालको दूरदराजमा लुकेका कथाहरू, संस्कृति र सौन्दर्यलाई क्यामेरामा कैद गर्दै सम्पूर्ण दर्शकमाझ पुर्याउने लक्ष्य लिएको सुनाए।
प्रतिक्रिया