पर्वतबाट सुरु गरियो विक्कीको फिल्म ‘ककाकिकी’  सुटिङ

विक्की अग्रवालको डेब्यु निर्देशनमा बन्न लागेको फिल्म ‘ककाकिकी’को छायांकन सुरु भएको छ।  बिहान शुभमुर्हुत गर्दैपर्वतको भूकदेउरालीबाट सुटिङ सुरू गरिएको हो। 

३५ दिने सेड्युल रहेको फिल्मको छायांकन २० दिन पर्वतमा गाउँको परिवेशका दृश्यहरु खिँचिनेछ। त्यसपछि काठमाडौंमा छायांकन गरिने फिल्मका निर्देशक बिक्की अग्रवालले जानकारी दिए।

अहिले छायांकनमा फिल्मका सबैजसो कलाकार पुगेका छन्। अभिनेत्री तृप्ती नाडकर, रेखा थापा, दिया मास्के, सुभास गजुरेल, महेश त्रिपाठी, सुवर्ण थापा लगायतका कलाकार अहिले छायांकनस्थलमा छन्।

साथै अभिनेत्री गौरी मल्ल केहिदिनमा पुग्ने फिल्मकी अर्की निर्देशक श्रृद्धा प्रसाईंले जानकारी दिइन्। प्रसाईंका अनुसार आजैबाट छायांकन सुरु भएको छ। अन्य केहि कलाकार बिचमा जोडिदै जानेछन् ।