परदेशी पीडा र प्रतीक्षाको स्वरमा ‘दैलो खोल न’ सार्वजनिक (भिडिओ)

सङ्गीतकार एवं सञ्चारकर्मी उमेश राउतको परदेशीको पीडा र प्रतिक्षाको स्वर ‘दैलो खोल न’ सार्वजनिक भएको छ।

घरपरिवार र मायाप्रेमको संवेदनशील कथा समेटिएको यो गीतमा परदेशको पीडा र सम्झनाको गहिरो भाव उजागर गरिएको छ ।
 
सो गीतमा सङ्गीत संयोजन पुरुषोत्तम सुवेदीको रहेको छ। हेमन्त कञ्च्छा रसाइलीको सारङ्गी, रत्न विकको बाँसुरी, भुवन गन्धर्वको तबला, पोशन मगरको मादल र सरोज विष्टको गितारले गीतलाई जीवन्त बनाएको छ।
 
‘घरको दैलो, त्यो एउटा सामान्य ढोका मात्रै होइन। यो ढोकाभित्र सम्झना छ, मायाको बन्धन छ, आमा–बुबाको मुखाकृति छ र एउटै मुटुमा गाँसिएको परिवारको स्पन्दन छ। यही भावनालाई गीतले बोकेको छ’, गीतकार राउतले भने।