युनिकोड
रणवीर सिंहको मुख्य भूमिका रहेको बलिउड फिल्म ‘धुरन्धर’ को ट्रेलर सार्वजनिक भएको छ। ४ मिनेट ७ सेकेन्डको ट्रेलर एक्सन दृश्य, शक्तिशाली संवाद र रक्तपातले भरिएको छ।
ट्रेलरमा अर्जुन रामपालको लुक स्पष्ट देखिन्छ। ट्रेलर आईएसआईका मेजर इकबालको रूपमा अर्जुन रामपालको संवादबाट सुरु हुन्छ।
ट्रेलरमा रणवीर सिंहको चरित्र प्रस्तुत गरिएको छ, जसले फिल्ममा एक गुप्तचर एजेन्टको भूमिका निर्वाह गर्छ। त्यसैगरि, फिल्ममा आर. माधवनले अजय सन्यालको भूमिका निर्वाह गरेका छन्।
त्यस्तै, ट्रेलर सबै पात्रहरूको उत्कृष्ट संवादहरूले भरिएको छ। रेहमत डाँकाको भूमिका निर्वाह गरिरहेका अक्षय खन्नाको लुक एकदमै तीव्र छ। उनी फिल्ममा नकारात्मक भूमिकामा छन्।
ट्रेलरमा संजय दत्तको प्रवेशलाई उत्कृष्ट तरिकाले देखाइएको छ, जसको पृष्ठभूमि संगीत पनि धेरै राम्रो छ। रणवीर सिंहको अपोजिटमा सारा अर्जुन मुख्य भूमिकामा छिन्।
फिल्म ‘धुरन्धर’ को ट्रेलर रिलिज कार्यक्रम मंगलबार आयोजना गरिएको थियो, जहाँ फिल्मका कलाकारहरू उपस्थित थिए। कार्यक्रमको क्रममा रणवीर सिंह मिडियासँग कुराकानी गर्दा निकै भावुक भए।
यस फिल्मलाई आदित्य धरले निर्देशन गरेका हुन्, जसले पहिले उरी: द सर्जिकल स्ट्राइक फिल्म निर्देशन गरिसकेका थिए। जियो स्टुडियोको ब्यानरमा निर्मित यो फिल्म डिसेम्बर ५ मा सिनेमाघरहरूमा रिलिज हुनेछ। यो फिल्ममा शाश्वतले संगीत भरेका छन् भने गायिका जस्मिन र हनुमानकिन्दले स्वर दिएका छन्।
प्रतिक्रिया