युनिकोड
बलिउड अभिनेता सलमान खानले आफ्नो व्यक्तिगत अधिकार रक्षाको माग गर्दै बुधबार दिल्ली उच्च अदालतमा निवेदन दिएका छन्।
भारतीय सञ्चारमाध्यमका अनुसार खानको निवेदनको सुनुवाइ बिहीबार न्यायाधीश मनमित प्रीतम सिंह अरोराको नेतृत्वमा रहेको बेन्चमा हुनेछ।
सलमान खानले धेरै इन्टरनेट मिडिया आउटलेटहरूविरुद्ध उच्च अदालतबाट निर्देशन मागेका छन्।
उनले मिडिया आउटलेटहरूले अनुमतिबिना आफ्नो छवि, भिडिओ र आवाज प्रयोग गरिरहेको दाबी गरेका छन्।
खानभन्दा पहिले धेरै कलाकारले आफ्नो व्यक्तिगत अधिकार रक्षाका लागि अदालतमा निवेदन दिएका थिए र त्यसमा अन्तरिम आदेश जारी भएका थिए।
प्रतिक्रिया