रेखा थापा निर्माता रहेको नाटक ‘सेतो धरती’ चैत २७ गतेबाट मञ्चन हुने

कान्तिपुर फिल्म एकेडेमीले निर्माण गर्दै गरेको नाटक  ‘सेतो धरती’ चैत २७ गतेदेखि मञ्चन हुने भएको छ। अमर न्यौपानेद्वारा लिखित मदन पुरस्कार विजेता प्रसिद्ध पुस्तक ‘सेतो धरती’  मा आधारित यस नाटकको मुख्य भूमिकामा अभिनेत्री बेनिशा हमाल छिन्। 

अहिले भने नाटकमा निर्माताको रूपमा रेखा थापा जोडिएसँगै दर्शकहरूको चासो अझ बढेको छ। आज कान्तिपुर फिल्म एकेडेमीले सार्वजनिक गरेको पोस्टरमा लेखक अमर न्यौपाने, निर्माता रेखा थापा र निर्देशक सुन्दर धितालको नाम उल्लेख गरिएको छ।

सुन्दर धितालले यसअघि रेखा थापाकै डेब्यु नाटक मीरा निर्देशन गरेका थिए भने रेखाले पनि कान्तिपुर फिल्म एकेडेमीकै थिएटरबाट रंगमञ्च यात्रा सुरु गरेकी थिइन्।

हाल धमाधम रिहर्सल भइरहेको यस नाटकमा बेनिशासहित फिल्म, थिएटर र कान्तिपुर फिल्म एकेडेमीका गरी ३० भन्दा बढी कलाकारहरू एकैपटक मञ्चमा देखिँदै छन्।