युनिकोड
फिल्म ‘चिरञ्जीवी भव’को शुभमुहूर्त गरिएको छ। निर्माण टिमले आज ललितपुरको बंगलामुखी मन्दिरमा चलचित्रको स्क्रिप्ट पूजा गर्दै शुभमुहूर्त गरेको हो।
शुभमुहूर्तमा हरिवंशसँगै निर्देशक दीपकप्रसाद आचार्य ‘काकु’ र आशीर्वाद क्षेत्री, प्रशंसा रायमाझीलगायत कलाकार उपस्थित थिए।
जिग्री इन्टरटेनमेन्ट र प्रिमियर प्रोडक्सनको प्रस्तुतिमा बन्ने चलचित्र जेठ १५ बाट छायांकनमा जानेछ।
चलचित्रको सुटिङ सेड्युल ४५ दिनको रहेको छ। धनकुटा, सुनसरी र काठमाडौंका चलचित्रको छायांकन हुनेछ। फिल्मको प्रदर्शन मिति भने माघ १ गतेलाई तोकिएको छ।
यस फिल्ममा कुमार कट्टेल ‘जिग्री ब्रो’ पनि दीपकप्रसाद आचार्यसँगै छन्। कुमारको कथामा दीपकले चलचित्र निर्माण गर्न लागेका हुन् ।
यो चलचित्रमा हरिवंश, आशीर्वाद र प्रशंसासहित प्रियंका कार्की, सुवर्ण थापा, कमलमणि नेपाल, सरोज अर्याल, हरिस निरौला (कक्रोज), सुमन कार्की, सुस्मिता कुँवरलगायतको अभिनय छ।
कुमार कट्टेलले तयार पारेका कथा लेखनमा भने सविन अधिकारी र वसन्त न्यौपाने रहेका छन्। सोसल ड्रामा जनरामा निर्माण हुने ‘चिरञ्जीवी भव’ले दुई पुस्ताबीचको वैचारिक भिन्नता र सम्बन्धको कथालाई मुख्य विषयवस्तु बनाउने निर्माणपक्षले बताएको छ।
उमेशकुमार बराल निर्माता रहेको यस चलचित्रको कार्यकारी निर्माताका रूपमा गजित विष्ट र शैलेश खत्री छन्
प्रतिक्रिया