युनिकोड
चलचित्र समीक्षक समाज, नेपाल (फिक्सन) ले आयोजना गर्ने ‘क्रिटिक्स फिल्म अवार्डको मिति तय गरिएको छ।
समाजका अनुसार यही असार ६ गते (शनिबार) अवार्ड वितरण कार्यक्रम आयोजना गरिनेछ।
समाजले ‘क्रिटिक्स फिल्म अवार्ड’ २०८१ र २०८२ एकै दिन संयुक्त रूपमा वितरण गरिने बुधबार विज्ञप्ति जारी गर्दै जानकारी दिइएको छ।
समाजले वर्ष २०८१ र २०८२ मा प्रदर्शनमा आएका चलचित्रहरूको सूक्ष्म अध्ययन, प्राविधिक विश्लेषण र मूल्यांकनका आधारमा विभिन्न विधामा उत्कृष्ट स्रष्टा छनोट गरी नतिजा यसअघि नै सार्वजनिक गरिसकेको छ।
समाजसँग ‘क्रिटिक्स फिल्म अवार्ड’को मुख्य प्रायोजक महालक्ष्मी चक्की आटा तथा सहप्रायोजक नेपाल भलिबल लिगकाे फ्रेन्चाइज टिम अन्नपूर्ण स्पाइकर किङ्ग्स र ओएसआर डिजिटल छन्।
अवार्डका लागि नेपाल फिल्म क्याम्पसको पनि सहकार्य छ।
यी हुन् ‘क्रिटिक्स फिल्म अवार्ड २०८१’ का विजेता
१. उत्कृष्ट फिल्म: शाम्बाला
२. उत्कृष्ट निर्देशकः मीनबहादुर भाम (शाम्बाला)
३. उत्कृष्ट अभिनेता दयाहाङ राई (गाउँ आएको बाटो)
४. उत्कृष्ट अभिनेत्री थिन्ले ल्हामो (शाम्बाला)
५. उत्कृष्ट पटकथा/लेखनः सरिष्मा खत्री र सिद्धार्थ पुडासैनी (सानो संसार)
६. उत्कृष्ट छायांकनः आलोक शुक्ला (आँखा)
७. उत्कृष्ट सम्पादनः जे. हिम ली र एलेक्स गुर्भिट्स (राजागन्ज )
८. उत्कृष्ट साउन्ड डिजाइनः किशोर आचार्य (गाउँ आएको बाटो)
९. स्पेसल मेन्सन (अभिनय): सुपला सापकोटा (बोक्सीको घर)
१०. स्पेसल मेन्सन (कला निर्देशन): रोशन दिवाना (पूर्ण बहादुरको सारङ्गी)
यी हुन् ‘क्रिटिक्स फिल्म अवार्ड २०८२’का विजेता
१. उत्कृष्ट फिल्मः ऊनको स्वीटर
२. उत्कृष्ट निर्देशकः नवीन चौहान ( ऊनको स्वीटर)
३. उत्कृष्ट अभिनेताः हरिवंश आचार्य (भूठान)
४. उत्कृष्ट अभिनेत्री आना शर्मा (रमिताको पिरती)
५. उत्कृष्ट पटकथाः नवीन चौहान/सुरज कटुवाल (ऊनको स्वीटर)
६. उत्कृष्ट छायाङ्कनः सुशन प्रजापति (भूठान)
७. उत्कृष्ट सम्पादनः अञ्जय खड्का (भूठान)
८. उत्कृष्ट पाश्र्व संगीतः कोविद बज्र (ऊनको स्वीटर)
प्रतिक्रिया