रास्वपा बहुमततर्फ उन्मुख हुँदा दीपकको व्यंग्य: विश्लेषकको जोड-घटाउले हावा खाने रहेछ

प्रतिनिधि सभा निर्वाचनको जारी मतगणनामा राष्ट्रिय स्वतन्त्र पार्टी (रास्वपा) बहुमत विजयतर्फ उन्मुख भइरहँदा कलाकार दीपकराज गिरीले विश्लेषकहरूको विश्लेषणले हावा खाएको टिप्पणी गरेका छन्।

फागुन २१ गते बिहीबार देशभर सम्पन्न चुनावको अहिले मतगणना जारी छ। 

हाल १३३ सिटमा मतगणना चलिरहँदा राष्ट्रिय स्वतन्त्र पार्टीले १०१ सिटमा अग्रता लिइरहेको छ।

अभिनेता तथा फिल्म निर्मातासमेत रहेका दीपकले फेसबुकमा लेखेका छन्, ‘जब जनताले नै क्यालकुलेटर चलाउन थाल्छन्, विश्लेषकहरूको जोड-घटाउले हावा खाने रहेछ!’