युनिकोड
इस्लामिक विद्रोही समूह हयात तहरिर अल शामले राजधानी दमास्कस प्रवेश गरी सिरियालाई स्वतन्त्र घोषणा गरेको छ।
उसले सिरियाली राष्ट्रपति बसर अल असदले देश छोडेको दाबी पनि गरेको छ।
यसैबीच विपक्षी नेता हादी अल बहराले दमास्कस सुरक्षित रहेको बताएका छन्।
बहराले अरबी समाचार च्यानल अल-अरेबियासँग असदको सरकार पतन भएको र सिरियाको इतिहासको कालो युग अन्त्य भएको दाबी गरेका छन्।
उनले सामाजिक सञ्जाल एक्समा लेखेका छन्, "हाम्रा सबै सम्प्रदाय र धर्मका मानिसहरू, जबसम्म तपाईं अरू कुनै नागरिकविरुद्ध हतियार उठाउनुहुन्न, जबसम्म तपाईं आफ्नो घरमा बस्नुहुन्छ, तबसम्म तपाईं सुरक्षित रहनुहुन्छ।"
उनले अगाडि लेखेका छन्, "न बदला लिनेजस्ता कुनै कारबाही हुनेछ न मानवअधिकार हनन हुनेछ। जनताको मर्यादाको सम्मान र रक्षा गरिनेछ।"
प्रतिक्रिया