युनिकोड
इरानले स्ट्रेट अफ होर्मुजमा विदेशी जहाज आवागमन व्यवस्थापनका लागि विधेयकको मस्यौदा तयार पारेको छ।
मस्यौदामा तेहरानले इजरायल र संयुक्त राज्य अमेरिकाका जहाजहरूको प्रवेशमा प्रतिबन्ध लगाउने र अन्य विदेशी जहाजहरूमा कर लगाउने प्रस्ताव गरेको छ।
तेहरानले यसलाई आफ्नो सार्वभौमिकता र समुद्री सुरक्षालाई बलियो बनाउने कदम भनेको छ।
इरानी संसद्को राष्ट्रिय सुरक्षा र विदेश नीति समितिका अध्यक्ष इब्राहिम अजिजीले तेहरानमा आयोजित एक समारोहमा भने, ‘विधायिका पुनः सुरु भएपछि यसलाई ‘निवारक कानुन’का रूपमा पारित गरिनेछ।’
उनले भने, ‘विधेयक तयार छ र विदेश मन्त्रालय र बन्दरगाह र समुद्री सङ्गठनसहित देशका सम्बन्धित अधिकारीहरूसँग शृंखलाबद्ध रूपमा बैठक गरी छलफल गरिएको छ।’
अजिजीले यसअघि बिहीबार भनेका थिए, ‘इरानले होर्मुजको जलमार्गमा सधैँ सुरक्षित र स्वतन्त्र आवागमन सुनिश्चित गर्न प्रयास गरेको छ। अमेरिकी सेनाको उपस्थिति र इजरायली आक्रमण खाडी र स्ट्रेट अफ होर्मुजमा असुरक्षा र अस्थिरताको मुख्य जड भएको छ।’
यो विधेयकको उद्देश्य इरानको सार्वभौमिकतालाई बलियो बनाउनु हो।
उनले भनेका छन्, ‘इरानी संसदको यो विधेयक ‘स्ट्रेट अफ होर्मुज’मा इरानको सार्वभौमिकतालाई बलियो बनाउने उद्देश्यका साथ ल्याइएको हो। इरान सधैँ यस महत्त्वपूर्ण जलमार्गमा सुरक्षित र स्वतन्त्र आवागमनको पक्षमा छ।’
अमेरिकी सेनाको उपस्थिति र इजरायलको गतिविधि यस क्षेत्रमा अस्थिरताको मुख्य कारण भएको उनले बताए।
उनले भने, ‘विदेश मन्त्रालय र बन्दरगाह सङ्गठनजस्ता सम्बन्धित निकायसँग व्यापक छलफल गरेर विधेयकलाई अन्तिम रूप दिइएको छ।’
इरानको अर्धसरकारी समाचार संस्था फार्स न्युज एजेन्सीका अनुसार शुक्रबार स्ट्रेट अफ होर्मुजमा इरानी सेना र अमेरिकी पानीजहाजबीच छिटपुट झडप भएको थियो।
प्रतिक्रिया