हान्टाभाइरसले ३ जनाको मृत्यु भएको जहाज चढेका २ भारतीय 'सुरक्षित'

हान्टाभाइरसका कारण ३ जनाको मृत्यु भएको नेदरल्यान्डको जहाज एमभी होन्डियसमा यात्रा गरेका २ भारतीय भने सुरक्षित रहेको पाइएको छ।

उनीहरू स्वस्थ रहेको स्पेनस्थित भारतीय दूतावासले जनाएको हो।

स्पेनस्थित भारतीय दूतावासले भनेको छ, 'दुई भारतीयमा (हान्टाभाइरसको) कुनै लक्षण देखिएको छैन। स्पेनको राष्ट्रिय आपतकालीन अनुगमन र समन्वय केन्द्रका अनुसार उनीहरूलाई नेदरल्यान्ड्स लगिएको छ, जहाँ उनीहरूलाई क्वारेन्टाइनमा राखिनेछ।'

अप्रिल १ मा अर्जेन्टिनाबाट निस्केको त्यो जहाज हान्टाभाइरस फैलिएपछि आइतबार स्पेनको क्यानरी टापु लगिएको थियो।