युनिकोड
मंगलबार साँझ भारतको मुम्बई विमानस्थलमा एयर इन्डिया र इन्डिगोका दुई विमानका पखेटा आपसमा ठोकिएका छन्।
भारतीय सञ्चारमाध्यमका अनुसार दुवै विमानमा यात्रु भरिभराउ भएका बेला पखेटा जुधेका हुन्। यद्यपि कसैलाई चोटपटक लागेको छैन।
भारतको नागरिक उड्डयन मन्त्रालयका अनुसार, एयर इन्डियाको उडान एआई२७३२ मुम्बईबाट कोइम्बतुर उडान भर्नुअघि ट्याक्सी-वेमा खडा थियो।
यसैबिच हैदराबादबाट मुम्बई आएको इन्डिगोको उडान ६ई७९१ अवतरण गरेको थियो। त्यही क्रममा दुई विमानका पखेटाका टुप्पा ठोकिएका हुन्।
घटनालगत्तै दुवै विमानलाई प्राविधिक निरीक्षणका लागि पार्किङ एरियामा पठाइयो।
एयर इन्डियाका अनुसार, उडान एआई२७३२ को पखेटाको टुप्पोमा सामान्य क्षति पुगेको छ।
घटनालगत्तै सबै २०० यात्रुलाई सुरक्षित रूपमा बाहिर निकालिएको थियो।
प्रतिक्रिया