सल्यानमा जिप दुर्घटना हुँदा ८ जनाको मृत्यु, १ यात्रु घाइते

सल्यानमा जिप दुर्घटना हुँदा ८ जनाको मृत्यु भएको छ। बाँकेको ढकेरीबाट सल्यानको कपुरकोट गाउँपालिका रिमनजिकै दुर्घटना हुँदा ८ जनाको मृत्यु भएको गाउँपालिका अध्यक्ष दुर्गाबहादुर पुनले जानकारी दिए। 

‘अहिले म घटनास्थलमै छु, जिपमा सवार ९ जनामध्ये ८ जनाको मृत्यु भएको छ’, उनले टेलिफोनमा नेपाखबरलाई बताए।  

उनका अनुसार मृतक सबै कपुरकोट गाउँपालिकाका हुन्। मृतकहरूमा कपुरकोट ६ का बसन्त ओली र टोपबहादुर ओली, कपुरकोट ५ का ललित ओली, वडा नम्बर ६ का सुरेश खत्री, गाडी चालक जितबहादुर बोहोरा, कपुरकोट–६ का खुमलाल ओली छन्। अन्यको नाम खुल्न बाँकी छ। 

मूलपानीनजिकै बुधबार बिहान २ बजे जिप दुर्घटना भएको हो। 

प्रहरीका अनुसार बाँकेको कोहोलपुरबाट सल्यान रिङका लागि छुटेको रा१ज ५६३ नम्बरको जिप सल्यानको कपुरकोट गाउँपालिका-३ मूलपानी नजिकै दुर्घटना भएको हो ।

एक जना घाइते भएका छन्। उनलाई उपचारका लागि कपुरकोट गाउँपालिकाको एम्बुलेन्समा दाङ लगिएको अध्यक्ष पुनले जानकारी दिए। 

घटनाको विस्तृत विवरण आउन बाँकी छ।