युनिकोड
नेपाली कांग्रेस कर्णाली प्रदेशले कर्णालीमा कांग्रेसकै नेतृत्वमा सरकार गठन गर्न पहल गर्ने निर्णय गरेको छ। बिहीबार बसेको नेपाली कांग्रेस कर्णाली प्रदेश कार्यसम्पादन समितिको बैठकले यस्तो निर्णय गरेको हो।
बैठकले नेपाली कांग्रेस प्रदेश सभा संसदीय दलको निर्वाचन गर्नका लागि ३ सदस्यीय निर्वाचन समिति गठन गरेको नेपाली कांग्रेस कर्णाली प्रदेश समितिका प्रवक्ता दमनबहादुर शाहीले जानकारी दिए।
उनका अनुसार निर्वाचन समितिको संयोजकमा कृष्णबहादुर रोकाय, सदस्यमा खगिसरा आचार्य र दमनबहादुर शाही रहेका छन्।
यस्तै, कर्णाली प्रदेश सरकार गठन सम्बन्धमा पनि निर्णय गरेको छ। जसमा बर्तमान गठबन्धनलाई कायम रहने गरि नेपाली कांग्रेसको नेतृत्वमा सरकार गठन गर्न पहल गर्ने जनाइएको छ।
कर्णाली प्रदेश सभामा पार्टीको तर्फबाट निर्वाचित प्रदेश सभा सदस्यहरूलाई बधाई तथा शुभकामना कार्यक्रम पुस १२ गते दिउँसो ३ बजे पार्टी कार्यालयमा आयोजना गर्ने पनि निर्णय कांग्रेसले गरेको छ।
प्रतिक्रिया