युनिकोड
झापामा ८३ वर्षीया वृद्धाको हत्या भएको छ। शनिबार दिउँसो साढे बजे झापा गाउँपालिका ६ पुष्पाञ्जली टोलकी फुलमाया मुर्मुको हत्या भएको छ।
हत्या आरोपमा दुई जनालाई पक्राउ गरिएको जिल्ला प्रहरी कार्यालय झापाका डीएसपी कृष्णकुमार चन्दले जानकारी दिए। पक्राउ पर्नेमा झापा गाउँपालिका ७ का २८ वर्षीय अजय यादव २४ वर्षका अशोक यादव रहेका छन्।
वृद्धा मृत अवस्थामा रहेको जानकारी प्राप्त हुनासाथ जिल्ला प्रहरी कार्यालय झापा तथा मातहत समेतबाट टोलि खटिएको थियो।
नेपाल प्रदेश प्रहरी कार्यालय केनाइन शाखा धरानबाट केनाइनसहितको टोलीको सहयोगमा अनुसन्धान गर्ने क्रममा हत्याका आरोपित पत्ता लगाएको डीएसपी चन्दले बताए।
मृतक महिलाको टाउको र चिउँडोमा प्रहार गरी हत्या गरिएको प्रहरीको निष्कर्ष छ।
कलको ह्यान्डिल र फरुवासहित घटनापछि उनीहरू फरार भएका थिए।
घटनास्थलबाट लुटिएको मोबाइल र साइकलसहित झापा गाउँपालिका ७ मदरगाछबाट पक्राउ गरेर अनुसन्धान थालिएको डीएसपी चन्दले बताए।
प्रतिक्रिया