मलेसिया नेपाली श्रमिकमा लागि यसरी बन्दै छ जोखिमपूर्ण

नेपाली युवाको लागि मलेसिया तेस्रो ठूलो श्रम गन्तव्य भए पनि विदेशी श्रमिकको मृत्यु, अंगभंग र अन्य सुरक्षाका हिसावले मलेसिया सबैभन्दा जोखिमपूर्ण देखिएको छ।

विगत १० वर्षमा मलेसिया, कतार, यूएई र साउदी अरब गएका नेपाली युवाको सुरक्षाको तुलना गर्दा मलेसिया सुरक्षाका दृष्टिले जोखिमपूर्ण श्रम गन्तव्य देखिएको खबर आजको कारोबार दैनिकमा गोपाल संग्रौलाले लेखेका छन्।

हालसम्म रोजगारीका लागि मलेसिया गएका नेपालीमध्ये २ हजार पाँच सयले विभिन्न कारणले ज्यान गुमाइसेका छन्।

नेपालका लागि वैदेशिक रोजगारीका प्रमुख चार श्रम गन्तव्य देशमध्ये मलेसिया गएकाहरुको वढी मृत्यु र अंगभंग हुने गरेको छ।