ad ad

फोटोफिचर


तेह्र वर्षपछि पृथ्वीनारायणलाई सम्झिन पुगे ज्ञानेन्द्र शाह (तस्बिरहरु)


विक्रम राई
पुस २७, २०७८ मंगलबार १३:११, काठमाडौँ

पूर्वराजा ज्ञानेन्द्र शाह १३ वर्षपछि आफ्ना पुर्वज पृथ्वीनारायण शाहको शालिकमा माल्यार्पण गर्न पुगेका छन्। 

निर्मल निवासबाट निस्किएर नारायणहिटी दरबार सङ्ग्रहालयको बाटो हुँदै शाह सिंहदरबार अगाडि अवस्थित नेपाल एकीकरणका अभियन्ता पृथ्वीनारायण शाहको शालिकमा माल्यार्पण गर्न पुगेका हुन्। 

उनी सिंहदरबार अगाडि पुग्दा सयौँ राजावादीहरुले स्वागत गरेका थिए। उनले पनि राजर्षि शैलीमा हात हल्लाउँदै आफ्ना समर्थकलाई अभिवादन गरे। 

२०६५ सालमा भएको गणतन्त्र घोषणायता पहिलो पटक पूर्व राजा शाहले आफ्ना पुर्खा बडामहाराजाधिराज पृथ्वी नारायण शाहको शालिकमा मंगलबार मध्याह्न साढे १२ बजे माल्यार्पण गरेका हुन्। 

त्यसअघि राप्रपाका पूर्वअध्यक्ष कमल थापा, राप्रपा अध्यक्ष राजेन्द्र लिङ्देनसहितले पनि पृथ्वीनारायण शाहको शालिकमा माल्यार्पण गरे। 

मंगलबार राजावादी तथा अन्य विभिन्न शक्तिले ३०० औँ पृथ्वी जयन्ती देशभर मनाउँदैछन्।

 

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .