युक्रेनमा रुसको सैन्य आक्रमण आठौं दिन बिहीबार पनि जारी छ। अन्तर्राष्ट्रिय सञ्चारमाध्यमका अनुसार अहिलेसम्म १० भन्दा बढी सहर ध्वस्त भइसकेका छन्। धेरै क्षेत्र भग्नावशेष र सुनसान देखिन थालेका छन्।
बम विस्फोटका त्रासले सडक सुनसान छन्। संयुक्त राष्ट्रसंघको तथ्यांकअनुसार १० लाखभन्दा बढी मानिसले देश छाडिसकेका छन्। बाँकी रहेकाहरू पनि हतास र निराश छन्।
यसैबीच युक्रेनमा शान्तिको कामना गर्दै बिहीबार काठमाडौंको बौद्धमा नेपालका लागि अमेरिकालगायत पश्चिमा मुलुकका राजदूतले दीपावली गरेका छन्।
बौद्धनाथ स्तुपामा दियो बाल्ने कार्यक्रममा अमेरिकी राजदूत र्यान्डी बेरीदेखि विभिन्न पश्चिमा मुलुकका राजदूत सहभागी भएका थिए। उनीहरूले रुसको आक्रमणविरूद्ध युक्रेनी झन्डा फहराएका पनि छन्।
162
Shares
प्रतिक्रिया