एमालेको घोषणापत्र लेख्न समय दिँदा चुनाव हारेँ : वामदेव गौतम

नेकपा एमालेका नेता वामदेव गौतमले घोषणापत्र लेख्न समय दिन नपरेको आफू प्रतिनिधि सभा निर्वाचनमा पराजित भएको बताएका छन्।

राष्ट्रिय सभा बैठकमा बोल्दै गौतमले नेकपा एमालेको चुनावी घोषणापत्र लेख्न आफूले ३ महिना लगाएको र त्यसैका कारण चुनावमा पराजय व्यहोर्नु परेको बताए।
 
उनले प्रतिनिधि सभा नभएको अवस्थामा राष्ट्रिय सभाबाट बजेट ल्याउने व्यवस्था गर्न माग गरे। 'बजेट सडकबाट होइन राष्ट्रिय सभाबाट ल्याऔं। यहाँबाट पारित गरौं', उनले भने।

उनले बजेट घोषणापत्र अनुसार नआएको भन्दै आलोचना गरे। 'सामाजिक सुधारका विषय बजेटमा आएनन्। बजेट प्रस्तुत गर्दा एक पटक पनि तालि बजेन', उनले भने।