मधेसी आयोगका सदस्य गुप्ताले दिए राजीनामा

मधेसी आयोगका सदस्य विजयकुमार गुप्ताले राजीनामा दिएका छन्। आइतबार (भदौ २९)देखि लागु हुने गरी उनले पदबाट राजीनामा दिएका हुन्।

राष्ट्रपति रामचन्द्र पौडेलले सोमबार (भदौ ३०) उनको राजीनामा स्वीकृत गरेका छन् ।

'सम्माननीय राष्ट्रपति श्री रामचन्द्र पौडेलज्यूसमक्ष मधेसी आयोगका माननीय सदस्य श्री विजयकुमार गुप्ताज्यूले मधेसी आयोग ऐन, २०७४ को दफा (४) को खण्ड (क) बमोजिम मिति २०६२/०५/२९ गतेदेखि लागू हुने गरी आफ्नो पदबाट दिनुभएको लिखित राजीनामा सम्माननीय राष्ट्रपतिज्यूले स्वीकृत गर्नुभएको छ,' राष्ट्रपतिको कार्यालयका प्रवक्ता प्रदीपकुमार कोइरालाले जारी गरेको विज्ञप्तिमा उल्लेख छ।